بۆ بەشداری له "دووهەمین کۆنفرانسی تۆژینەوەی زمانی کوردی و فارسی (زمان ناسی و بووتیقا)" و ناردنی وتار، دەبێ سەرەتا له ماڵپەڕی کۆنفرانسەکەدا ناونووسی بکەن.
 


دوای چوونە ناوی ماڵپەڕی کۆنفرانسەکەوه، لەسەر ناونووسی له کۆنفرانسدا کرته بکەن تا بچنه پەڕەی نووسینی زانیاریی شەخسییەوه.


له پەڕەی نووسینی زانیاری شەخسیدا هەرچی پێویسته بینووسن. تکایه له نووسینی ناوی کاربەریدا زۆر وردبین بن، چونکا ئەگەر له بیرتان بچێتەوه گرفتی زۆری تێدەکەوێ و لەو حاڵەتەیدا دەبێ پێوەندی به ئیمەیلی کۆنفرانسەوه بگرن (kurdishstudies2019@uok.ac.ir)
 دوای نووسینی زانیارییە شەخسییەکان ئیمەیلێکتان بۆ دێ که لینکی چالاکسازی حسێبی کاربەرییەکەتانی تێدایه. پێویسته لەسەر ئەو لینکه کرته بکەن. ڕەنگه ئەم ئیمەیله بڕواته نێو دۆسییەی spam ــەوه.
بۆ چوونه ناو حسێبی کاربەری خۆتانەوه لەسەر هێڵی "چوونەناو کۆنفرانسەوه" کرته بکەن و ناوی کاربەری و کۆدەکەی لێ بنووسن.

دوای چوونەناو حسێبی کاربەری له لای ڕاستەوه له سەر مێنووی "وتار" کرته بکەن تا باز ببێ. ئینجا لەسەر بژاردەی «پێشکەش کردنی وتاری تر» کرته بکەن تا پەڕەی تایبەت به ناردنی وتار بکرێتەوه.

لەو پەڕەیەدا که کراوەتەوه، زانیاریی پێوەندیدار به وتارەکەی خۆتانەوه بنووسن.

له شوێنی تایبەتی کورتەدا بەشەکانی وتارەکەی خۆتان(پێشەکی، بابەت و شێوەی کار، ئەنجام، لێکۆڵینەوه و سەرچاوەکان) بنووسن و له کۆتاییدا لەسەر کلیکی "پەسند" کرته بکەن.

له «قۆناغی دووهەمدا – نووسەران» زانیاریی پێوەندیدار به نووسەرانی تری وتارەکەتانەوه بنووسن و لەسەر "پەسند" کرته بکەن. دوای نووسینی زانیارییەکان ئینجا لەسەر «قۆناغی ٣ - بەڵگە» کرته بکەن تاکوو بچنه قۆناغی دواییەوه.
تێبینی: ئەگەر وتارەکه تەنیا یەک نووسەری هەیه دەتوانن لەم قۆناغه تێپەڕن و لەسەر «قۆناغی سێهەم -بەڵگه» کرته بکەن و بچنه قۆناغی دواییەوه.

لەم قۆناغەدا جۆری وتار دیاری بکەن و له بەشی …Browse ــدا فایلی وۆرد و پی دی ئفی وتارەکە هەڵبژێرن و لەسەر کلیلی "پەسند" کرته بکەن و بچنه قۆناغی دواییەوه.

له قۆناغی کۆتاییدا بژاردەی «پێشکەش کردنی وتار به نووسینگه» لێبدەن و ئینجا ئیتر چاوەڕێی هەڵسەنگاندن و داوەری بن. ئێستا له شوێنی وتارەکاندا دەتوانن وتارەکەی خۆتان و ئاکامی هەڵسەنگاندنەکەی ببینن.
ئەگەر پەسند کرابێ، دەبێ له بەشی هەزینە و خەرج و بەرجی کۆنفرانسدا جۆری داواکاری خۆتان به وردی هەڵبژێرن و هەزینەکەی بخەنه حەساو.
 

چەن تێبینی گرینگ
1-    بەر لە ناونووسی، بۆ بردنە سەرەوەی ئاستی زانستی وتار به پێی ستاندارد و بنەماکانی وتارنووسی له فۆرمەتی کۆنفرانسدا ئەو پەڕی هەوڵ و تێکۆشانی خۆتان ئاراسته بکەن. بۆیه ئەگەر شێوەی نووسینی وتار(ئەوەی که له ماڵپەڕی کۆنفرانسەکەدا دانراوه) له بەرچاو نەگیرێ، وتارەکه له بەرنامەی کۆنفرانس حەزف دەکرێ.
2-    ئەگەر له نووسینی وتاردا ئەمانەتی زانستی له بەرچاو نەگیرابێ، له هەر قۆناغێکدا ئەم شته بسەلمێ، ئەو وتاره له کۆمەڵه وتارەکانی کۆنفرانس حەزف دەکرێ و هەواڵی ئەم ڕووداوه به نووسەران و زانستگا یا بنکەی پێوەندیدار ڕادەگەیەندرێت.