خەڵاتی مامۆستا عەبدوڕڕەحمان شەرەفکەندی ناسراو بە «هەژار» کە لەم پێڕەونامەدا بە کورتی «خەڵاتی هەژار»ی پێ دەوترێت، خەڵاتێکە کە لە لایەن توێژینگەی کوردستانناسیی زانکۆی کوردستان لە سنە دابین کراوە و بەڕێوە دەچێت. تەوەری سەرەکیی خەڵاتەکە، ناسین و ناساندنی باشترین توێژینەوەکان لە بەستێنی خوێندنەوە کوردییەکاندایە کە ئەم بابەتە لە ڕێگای هەڵسەنگاندن و هەڵبژاردنی بەرهەم و وەرگێڕانە زانستییە بەرچاوەکان لە بوارە توێژینەوەیییە زمان‌ناسانە، ئەدەبی، مێژوویی، فەرهەنگی و کۆمەڵایەتییەکاندا بەدی دەکرێت و توێژەران، نووسەران و وەرگێڕانی بەرهەمە سەرترەکان خەڵات دەکرێن.